6/17/2006

حقيقة الجرائد اليومية ,.!!

هناك 6 تعليقات:

mishal يقول...

الجرايد قمزت من السلطه الرابعه إلى السلطه الاولى

الصراحه في الكويت الجريده تعتبر السلطه الاولى

والناس والحكومه يمشون وراء الجرايد
====
صحافة ارهابيه ترهب الفكر
تركض ورا الرشاوي

واللي مايعطيهم فلوس اشتغلوا عليه

=======
رئيس تحرير صحيفة الوطن وليد جاسم الجاسم (الان نائب الرئيس)مره طلع على التلفزيون يقول ان احد اسباب الارهاب هي اللوحات اللي يحطونها الاسلاميين
يقول على سبيل المثال عندك لوحة مكتوب فيها
صلي قبل ان يصلي عليك
هذي الواحد لما يقراها على طول تصك فيه الدنيا ويفكر في الجهاد والقتل

وبعد هذا اللقاء
جريدة الوطن سووا حملة ضد هذي اللوحات

وبعد سبب ثاني للأرهاب
هو اغلاق محطات البنزين وقت صلاة الجمعه يقول هذا عامل اخر للأرهاب

استغرب رئيس تحرير وافكاره سخيفه
والمشكله انه يروّج لأفكاره عن طريق الجريده
=====
وهذا دليل على ان الصحافه عباره عن تسويق لأفكار جماعات لخدمة مصالحها الشخصيه

وماخفي كان اعظم


======
بعض الدول بدأت تشتكي من الصحافة الكويتيه
ودائماً نسمع بقضايا مرفوعه من دول ضد صحف كويتيه وخاصه فؤاد الهاشم الدايخ
وكله تشويه لسمعة الكويت

ويعطيك الف عافيه
وهالمره جبتها في قلب المرمى

تحياتي

عادل القلاف يقول...

مشعل حبيبي ,.

في البداية اشكرك جزيل الشكر على المتابعة ,. والردود الرائعة ,. الي اشوفها منك دايما ,

الشي هذا اعتز فيه وافتخر ,. بوجود ,. شباب بفكر رائع ,. وعقلية ممتازة ,. عساك على القوة انشا الله ,.


للأسف الجرائد ,. او يمكن النسبة الكبيرة من الجرائد ,. وحتى اغلب المجلات ,.!! ., النفاق ,.يلعب الدور الاكبر ,. فيها ,.

ومثل ما قلت ,. ناس تتراكض ورى الرشاوي ,.

اكثر الافكار الموجودة , والمقالات ,. عجيب ,. ولو تقارن مقالة جريدة بجريدة,. تلاقي الزيادة بالكلام,. غير في الاثنين !,.!

يعني المصداقية ,. بدت تتلاشى ,.!!


والغريب ان الكل يصدق كلام الجرايد.
ومحد يجذب خبر أبد ,.

***

الكاتب يفترض منه يكون رمز للدولة ,.
لا العكس ,.!!



والديمقراطية ,. انك لو تبي تحط رايك ,. بالجريدة,. براي يعكس اراءهم ,. مالك مكان,.

يعني زبدة الكلام ,.

المنافق والجذاب , ينحط فوق الراس ,.

والي يقول الصج,. ينداس عليه

( ومع هذا كله ,. اكو الجرايد الي نعتز فيها اكيد ,.))


التوفيق للجميع انشا الله


:)

وعساك على القوة انشا الله ,.

sOulvOice يقول...

موضوع جميل وكنت افكر فيه من مدة

هل من المعقول دولة بمستوى دولة الكويت الرائدة بمجال الصحافة الخليجية والاعلام تتحكم فيها 5 جرايد!!


الوطن

مستواها من سيء الى اسوء في ظل وجود الفضل والهاشم عدا عن التمجيد ليل نهار برموز الفساد


الرأي العام

مثل الوطن واردى بس التركيز فيها على رئيس مجلس الامة السابق واظهاره بصورة مثالية



الانباء


الاخبار اللي تتناولها كلها اتصب بمصلحة الحكومة والسلطة السياسيه باختصار "بوق حكومي"

الملحق الفنى التابع لها تقدر تسميه ليالينا نمبر2


السياسة

لاتعليق



القبس

ارى انها افضلهم




يعطيك الف عافية :)

مزاجيه يقول...

هاااي....
السلطه الرابعه على قولتهم
...الصحافه الحين صارت مثل بوس الخشوم اذا اعرفك واتعرفني ... اوصلك فوووق ... واذا مومن جماعتي ولا تنتمي لي ابشي ... اخليك اوطى من الواطي.......هذااا الي نتعلمه في الجامعه ... يقولنا الدكتور .... اذا بتصيرووون صحفياااات -ايه هين -لازم يكون عندكم معارف والاخلاق قطوها بالزباله وانتوااا ابكرامه ....هذا الواقع وللاسف

عادل القلاف يقول...

soulvoice-misso

هلا والله اختي ,. في البداية شكرا على المرور ,. وشكرا على وضع رايج ,.

بالنسبة للجرائد . بالكويت ,. في تفاوت بين الناس ,.

حيث اني الى اليوم,.

وانا اسمع فلان ,. يرفع الجريدة الفلانية ,. ويذم الجريدة الفلانية ,.

والعكس صحيح ,. اسمعه من شخص آخر ,.

.
.
.
.

ومع المدح والذم ,.

هناك شخصيات ,. تعتقد ان الناس مغفلة ,. وما تفهم شي ,.


وحبل الجذب قصير ,.


التوفيق للجميع انشا الله

مشكورة ,.

وخلينا نشوفج:)

عادل القلاف يقول...

مزاجية هاايات هلا والله ,.

للأسف لو وصلت للمرحلة هذي ,

بدولة الكويت ,. الي فيها الناس متفاهمين ,. ومتحابين ,.

لكن وجود بعض الناس ,. وبعض الشخصيات فيها ,. لا يستحقون الانتماء اليها ,.


نتمنى من الله العلي العظيم ,.

ان يبعد عنا ,. كل انسان منافق وكاذب ,.

شكرا لج مزاجية ,. على التعليقات والتواصل , والردود ,

اتمنى لج المزيد من التوفيق انشا الله