6/15/2006

!,.مطبة المرشح

هناك 9 تعليقات:

mishal يقول...

ههههههههههههه

مطبه الالكترونيه

هههههههه

كلش ولا خشم المرشح

===========
بس ماقصرت فيهم العجه اللي صارت
حراام عقب الخساير والتعب يصير فيهم جذي

الله يعينهم

=========
الف شكر

عادل القلاف يقول...

عسى دوم هالضحكة انشا الله حبيبي ,

اي والله ماكو واحد اعلانه ظل بمكانه


بس بيني وبينك ,. الي طيره الهوا

مو اكثر من الي خربوه بعض الحشرات !

تحياتي لك حبيب قلبي

cuteya يقول...

والله اذونا باعلاناتهم
انا اقول لو متبرعين بافلوس هالاعلانات وايد ابرك

على فكره حصلت حوادث لي الراس بسبتهم
الله يكافينا شرهم بس

عادل القلاف يقول...

cuteya

كلامج عدل

وفعلا كانت اكثر الاعلانات الكبيرة طرف منها طاح بالشارع

وصارت مشاكل

حتى الاعلانات ما سلمنا منها !

الله يستر

مشكورة على تواصلج معاي :)

mishal يقول...

الموضوع مو موضوع صرف فلوس على الفاضي

الاعلان هو تسويق للمرشح والا شلون تبي تعرفه الناس وهنيه يبيّن شغل الشاطر اللي يقنع الناس من خلال الاعلانات وتواجده القوي

لكن للأسف فيه بعض محلات الاعلانات تستغل الوضع بتقديم مواصفات اعلانيه رديئه وتوزيع سئ

بالنهايه
يجب ان ندرك اهميّه الاعلام وان نستفيد من الاخطاء الاعلانيه واخطاء النشر واماكن توزيع اللوحات
وتأكدوا ان لكل شي معنى وفائده

تحياتي

عادل القلاف يقول...

المشكلة مشعل ماكو الشخص الي راضي يتعلم من غلطته !!

وكأنها تصير لأول مرة !!

ولو انه كل مرة المشكلات تصير اكثر من الي قبلها ,

مادري الناس غافلة ,.

ولا شنو السالفة ,.

حبيب والله يا مشعل على المتابعة الحلوة منك

عساك على القوة يارب

mishal يقول...

هلا اخوي عادل

انا معاك بأنها مو اول مره
لكن نظراً لصغر الدوائر وتكلفة الاعلان رخيصه
صار كل مرشح يحمّل من الصور ويكب بالشارع

انشاءالله بعد تعديل الدوائر راح تتطور طريقة الاعلان وراح تشوفهم يتسابقون على اشياء اكثر تطوراً من الناحيه الاعلاميه

يالله لحّق وافتح لك مكتب للخدمات الاعلاميه والاعلانيه

وانت بعد مايحتاج فنان مشاءالله عليك

تحياتي لك

مزاجيه يقول...

هااااي
الحين اوقفت على المطبات... كل مكان في صورة عضوو...بالشوارع بالجرايد على البيوت في السيايير باجر اتشوف روحك بالمنظره والا يطلعلك عضوووو ....المشكله اصورهم اتخرع الي يضحكلي نص ضحكه لا الي شكله جنه راعي غنم ... لا والاذيج طيبه الابراهيم مسكينه اتقول جنه امخرعينهااا لووووووووووول ...استغفر الله العظيم

عادل القلاف يقول...

هلا والله حبيب قلبي مشعل

والله كلامك عين الصواب ,. وبصراحة اتمنى لو يكون اكو تطور من الناحية هذي .

لو انا بفتح المكتب اخربها وتلاقي رسوماتي بالشوارع ههه ,.

حبيبي والله يا مشعل عيونك الحلوة ,.

واهتمامك ,. بالمواضيع اهو الاحلى والله

لك مني بوسة طويل العمر ؛)






*****


مزاجية ,.

هلا والله ,’

عدل كلامج ,. ذاك اليوم بالدوار ,. وانا الفه ما اشوف شي بالمرة غير الصور إلي على الدوار,. والي على يمينه ويساره ,.!

لا واكو اعلان برتقالي بينهم على بالي ,. مع السالفة

يوم اقرى الي عليه

ولا مكتوب ,. تنزيلات على الاحذية !!

قلت اشفيه هذا مضيع ,.!! هه


مشكورة ,. على تواصلج معاي ,.

عساج على القوة يارب

***